繼上年熱爆的「以牙還牙，百倍奉還」的《半澤直樹》，近來大家又天天夢想着有個來自星星的韓國外星人會用超能力去保護自己。
似乎我們每天都需要一些事情去令自己期待着，人生才有一點生氣，有些希望似的。每隔一些時候，傳媒總會揾到某些東西可炒作，又或者網民總會在互聯網摷到一些東西洗版。呢期輪到炒星星。雖然自己只是看了少少，也覺得幾好睇，但是否去到咁神級就真係見人見智。
相對地，現在好似無乜人睇電視，尤其是在星期天。其實最近
TVB 製作了一套由四個單元故事結集的《愛情來的時候》都算係落本，算幾有誠意。最重要是大台終於肯作出改變，不再是一味的 duplicate
using the same formula!
唔知你有冇發覺，在現今全球一體化的影響下，很多東西都像「倒模」一樣。不論你身處那個商場，你都會見到熟口熟面的店舖，很悶吧?!
雖然今次 TVB 的新嘗試好似迴響不大，但起碼都肯踏出第一步去試新嘢，唔試又點知得唔得?!
24.6% 高收視當然不是浪得虛名! 但當全智賢還是十多年前的「野蠻女友」，而金秀賢仍是一貫的chok住去做外星人， 我們又會否去支持和鼓勵去看看都是俊男「美」女加上浪漫惹笑的情節，由台灣人氣「花美男」炎亞綸戀上日本喜劇女王「豬扒公主」渡邊直美的本地製作?
所以不論是《來自星星的你》或是《愛情來的時候》，我都會支持。沒有變化就比人鬧，肯作出嘗試的話就應該支持!
一間機構肯作出改變是好事。我們又會否讓自己跳出框框，放下成見？
No comments:
Post a Comment