在學校的一個細小升降機裡，有一位舊生，一位老師，跟一位中五學生有以下對話：
「部升降機終於開放給學生使用？」
「唔得㗎，不過若果是老師邀請一起的話就當別論。」
「係呀，係呀，多謝薛Sir。」
「你知唔知佢係你個大大大學兄呀？」
「係呀，真係『大10』咁滯都不為過！我喺度讀書時，你都應該...唔係應該，而係一定未出世。」
「係呀，佢入嚟讀中一果年，正係我第一年教書，做佢嘅班主任。嘩！都已經廿幾三十年前嘅事喇！」
「...」
「睇唔出哩？」
「你睇落似三十幾歲...」
「多謝哂，你今日做咗善事喇，今年考試應該會 good luck！努力呀，拜拜！」
最近因機緣巧合跟我中一班主任薛Sir re-connected ，所以昨天特意回母校跟他會面，食 lunch，傾下偈。自移民加國多年，一直未有聯絡，多年後重逢由班主任跟學生的關係，變成一對好久不見的舊朋友般細說往事，互相 update each other 這些年來的點滴（當然他仍然是我非常尊敬的薛Sir！）。
有時人與事都不能用時間來衡量。雖然我喺母校讀書和跟薛Sir的相處時間不長，但一見面，一切感覺卻親切非常。相反，一些你可能相處了很久的朋友，卻會因為一些很小的事故而跟你倒戈相向。人生實在非常無常，所以我們應該珍惜當下自己所愛的人和事。就如昨日舊地重遊，我真的很享受每一分一秒跟薛Sir相處的時光（包括去了做學生時的禁地 - 教師飯堂！），活在當下，別無其他。
祝願薛Sir跟太太都身體健康，繼續好好相愛。
