最近跟不同的客戶做 empowerment 跟 positivity 相關的課程，有不少學員都跟我分享自己工作有多大壓力，工作時間有多長，跟上司下屬相處時常有衝突。
「只知自己要準時返工，但永遠都唔知幾時收工！」
「有時做到就嚟連阿媽姓乜都唔記得！」
「有時果啲『死線』set 到真係死比佢睇都唔掂！」
最吊詭的是，他們儘管忙到極點但仍是買不到樓，生活可能改善了但卻不見得開心咗！
昨晚跟J一起欣賞由「80後劇場靚太」黃綺雯演出的＜婚後事＞，向我們道出她對婚前、婚後的點點滴滴，心態行為的相同與不同，以及對婚姻的信念和價值觀。當中有一句對白令我和J感受頗深：「我地成世人天天營營役役，其實我地有無諗過可能我地係將忙碌、忘記、死亡個 “mong” 字 (音) 搞亂咗呢？」我們到底清楚自己做人為乜？ 我們又有冇忘記了甚麼才是自己人生的priority?
最近在收音機節目裡聽到一位陪伴臨終老人家的義工分享，好多老人家行到人生最後階段，回想最令他們遺憾的，大都不是後悔自己搵得唔夠多錢，權位唔夠人高，或是從沒有擁有過甚麼珍貴的東西，而是人生無做過太多有意義的事，或是沒有珍惜和爭取多些時間跟家人相處。人之將死，其言也善，希望那些老人家的寄語能幫助我們更加能夠釐清自己的人生目標和真正應該多做的事，更加能夠珍惜和愛護身邊的人和事。
