嘩， 又一年喇!

 

 

嘩，真係好多年都無行年宵，因為幾怕多人。但認同 J 覺得應感受吓節日氣氛。Yeah, why not? 

 

昨晚天氣有啲濕，所以相對無咁多人，歡樂而回。所以話，凡事都係盡力、盡情、放開啲去做喇（i.e. take action）, 唔做永遠唔知結果, 做咗之後很多時發現其實感覺良好呢 (applicable not only to 行年宵 but also generally の 的做人處事亦然) 。

 

嘩，咁快又一年啦。兔年 to me實在太跳脫，所以今年好多轉變。但望回頭，所有東西事出必有因, 所以我心存感激，也相信你我明天一定會更好。

嘩，要講到兔年年尾最爆的港聞，一定要數到近日 D&G 事件和北大教授孔慶東對港人 の言論。先唔好講誰是誰非，人與人之相處，求同存異這應有 の 包容心態好像變得越來越遙不可及。呢兩則新聞令我想起今日神父講關於人是否自私的課題。我們應懂得好好分開「應得」和「自私」の 分別。若果我們為自己目標努力爭取而無損害到別人的話，是為「應得」; 但若果只為求達到目標，周圍攞別人著數而自己沒有努力作任何付出的話，是為「自私」。幸福快樂的人生人人都應得。但我們要經常自我反醒的有兩點:

 

1.   我們的行為是否正當?

2.   我們有否找到足夠 の 平衡點?

 

金錢和物質沒有人會嫌多，但甚麼是足夠就因人而異。要知道我們每人都有「應得」的那份，但多咗，over 咗就是貪心和自私。有追求某程度是好事，但要真的清楚自己的真正需要。希望大家都攞到平衡點。Only then we will live a truly happy life!!!  Indeed, I am working truly hard in finding this ecological focal point in life (i.e. 幸福快樂 の 平衡點) 。舉個好 trivial 的例子，以前我有一個好大的櫃去擺放我心愛的車仔，但現在因為住屋環境變了，所以個車仔櫃以倍計細咗，但我反而覺得更整齊歸一、也更加懂得珍惜、更能善用空間。昨天我望咗個車仔櫃 (after my quarterly re-arrangement)，我真的感到很開心和滿足。人要開心其實真係唔難，睇吓你攞唔攞到個平衡點唧。自從運用 NLP 成為快樂教練Dr. Happy後, I seem to get a quite good hang of it!!!  希望將來有更多機會 / 途徑跟大家分享心得。  In any case,  大家都要加油呀!!!

(Before)

(Now)  

最後，係有啲老老土土，但都想同大家拜個早年。在這「兔尾龍頭」之時，我祝大家「努力不懈，心想事成」。最緊要，「龍馬精神」。醒醒定定，活好 2012!!!

An insight about happiness – Other People Matter

 

一個人若要得到真正快樂，一個人 (i.e. on their own) 可以嗎?

打從 2004 開始教 NLP 及至近呢兩年努力鑽研 Happy Coaching – Coaching for Happinessの理論，我便不斷走訪、閱讀各地不同對 Happinessの演譯再加上個人の親身體驗, 我發現一個小道理:  自己若能自得其樂固然好，因己而令別人得樂更難得!

正向心理學 (Positive Psychology) 是探索做人為乜 の 一門學問 (a scientific study of  what makes life most worth living) 。你可否發覺，不論你做甚麼、得到甚麼，最終都是為了得到快樂 (或是內在平安) 嗎?  而「施比受更為有福」這句話人人都識講，但又有幾多人能真正做到?

雖然到今日自己仍沒有 facebook 户口，但卻深切明白 stay in touch 、Like 或被 Like、以及被關注 の重要性。我們是在一個群體社會生活著的人，so one of the most important factors to happiness is social.  最近聽過也深深體會到這一句: “Money can buy happiness…if we spend it on others!” 

Other people matter 是我們要不斷提醒自己要諗要做的事情。最近我經常掛著 “Givers gain” 呢一句，你永遠都不能 expect 對方會為你先付出 (有就當是 big bonus) 。若你先付出而真心不望回報的話，你往往會得到更多。我唔敢 guarantee 你啲乜，但親身體驗過幾次，有感而分享而矣!  Bottom  line, 你自己真係得到很多的快樂。

      

呢幾日一連看了《讓子彈飛》及《非誠勿擾 2》兩齣戲，當中有相當落墨談及一個人當擁有金錢、得到權力，但換來的卻是孤獨及不安。值不值得各人都各自有所看法及結論，也沒有對或錯。當我們每天營營役役為名為利，買樓換車並無不可，最重要你要知道甚麽令你真正感到快樂…更最重是學懂怎樣令身邊的他和她因你而感到快樂。人生這樣才算是靠譜。

發爛渣

 

(相片 extracted from 梁煥松 (Chris) 的blog – thanks!)

 

好似好唔老嚟，新年流流，開個咁嘅題。但係我問你，呢個題目係咪接近每天都會發生、曾經發生過、好可能發生或將會發生喺你我他身上嘅先（包括今天咪啱啱發生咗）？

呢排好開心跟 J 看了數套舞台劇和電影，其中一套是老師詹瑞文最新導演的《微男博女》，當中一場講蝦頭跟 Tyson 因為決定食乜嘢 (i.e. 你又話是但、我又話無所話謂、對方提出來又話唔好又話對方唔為自己設想) 而發爛渣。最近我自己也有一件被發爛渣的個案可以同大家分享。話說有天揸車落太古城食晏，見可以睇到水，咪泊喺街度囉。點知食到三分一真係有位啡色抄牌人﹝喂，by the way, honestly can someone please tell me, 他們除了抄牌其實仲要/會做啲乜嘅呢?﹞ 想抄我牌，咁我咪以九秒九飛奔出去囉。出到去佢用眼尾望了我一眼便想繼續抄我牌。咁我咪即刻講咗句，「唔好呀，阿 Sir, 即刻走，比次機會吖？！」佢話，「我會比你走，但我都未講完，未警告完你，走咩呀!」 (發爛渣!!!)   咁我咪唯有企定定囉!  佢又問，「你泊架車喺度做乜？」我答，「食飯。」佢話，「呢度無停車場咩，食飯要泊街嘅咩?」(繼續發爛渣!!!)   我唯有話，「係呀，係唔啱嘅，以後唔會架喇! 唔好意思、唔好意思。」佢見我咁有誠意又咁 respect 佢，就叫我走啦。NLP的一句, “People are not their behaviour.”  當一個人發爛渣，我們要理解 (最基本) ，甚至嘗試認同 (可以做到就最好喇!) 對方行為背後の原因。舉個例，聽講交通督導員雖屬於警務處，但只算是「文職人員」而不是警察，地位差一大截。也因為其主要責任是抄牌發告票及檢控違例泊車，所以他們既不太被尊重、也絕對沒有人喜歡他們，所以在他們權力範圍內去到盡發爛渣是可以理解嘅 (睇到上面果張相你可能會領會我的意思)。其他的發爛渣 / 大大聲原因可能包括不安、不足、 自卑、理虧、故意先行下馬威等等。所以盡可能的話，比佢哋啦。嬲一個人好傷身，互罵又會好傷心，何必呢？

 

看畢音樂劇《夢魅雪夜》及電影《翻身動物園》，都帶走同一個 message:  「珍惜時光、珍惜當下、珍惜眼前人」。今年 2012 特別多末日の speculation。姑勿論 21 December, 2012 我們將會怎樣，有啲嘢若果真係想做或應該做，只要不是 at other people's expense 的話，WHY NOT?!  Does it matter whether it is really the end or it is another beginning?!

 

One thing for sure though, love your family and take good care of your health!!!  Old school I know, but it is so truly important!

Have a good 2012, have a good life!!!

P.S.  剛看完 《天與地》大結局，看見三個男主角在台上終於破冰唱了劇尾曲，而台下有他們身邊愛和愛他們的人叫喚起舞著。能做著 / 做回他們熱愛的，能堅持自己的理想，夫復何求?