同一樣的天空，不一樣的心情

今天是課程的第二次 day off。起床後去了 Five Guys 食 burger and fries (hey, 在 US, 係食呢啲架喇!  OK 的!) 。

之後在街逛吓逛吓經過一間 pawn shop，好奇下入咗去睇吓。裡面乜都有得賣喎。Hi-fi, i-pod, i-phone, TV, guitars, drums, jewelry, watches, DVD, games, 連車呔都有得賣。正當我睇得入神之際，有個男人拿著一支很漂亮很新的吉他幽幽的走入舖頭去典當，賣了二百多元後低著頭悄悄然走了。

看著今天的報紙，報導著美國經濟會如何差，股市又會繼續向下尋底等等。我輕望窗外，微風樹動、光照依然。

經過大堂，碰到數位 trainer candidates 正在努力為未來的四天 evaluation 作最後衝刺。看見他們有的滿有信心、有的默然不語、有的面帶憂慮。形形色色，實像社會の一個最佳縮影。而我，便繼續享受著今天的 day off, 寫吓 blog，睇吓書 (cos 之後數天會非常忙碌改卷, 120% 專心做 assessment…yeek!)。

我們的人生，好彩唔好彩，我們條路都應該仲有排行。雖然要行多遠唔知，沿途有無風光又唔知，天氣係點都唔知，但既然係咪都係繼續行，就行得開心啲喇。你可以話上面條路好長、天氣好熱、成件事好悶好 dry；相對地你也可以覺得條路好平好直、天氣很好、環境好寧靜。講到底都係你我點睇件事和周圍環境啫!

我在想，這一刻你我正分享著同一樣的天空，在香港的你，是否跟我有著同一樣的心情？