我可以做甚麼?

 

最近看罷一齣既是特技，又是動作，然而又會講及人性，甚至帶有點點的哲學思想的電影《危機解密》(Source Code)，令我不斷地 after taste 咁去反思兩個哲理性の問題 (hence, 我會用兩篇 blogs 去 reflect 一吓) 。

電影想帶出の主題一:  如果生命只剩下一分鐘， 你會做甚麼？

「...梗係肯定是跟自己喜歡的人共同渡過喇！」

「...我會向家人道別。」
「...我會向他／她講聲『對不起』。」
「算罷啦，只有一分鐘，做乜都做唔到，做乜都無用喇...」

有時我會喺度諗，人點解永遠要死到臨頭或去到有啲無得番轉頭嘅位才懂得珍惜身邊擁有的人或事？

當現今社會實在有太多事物和東西愈來愈不在我們控制之內，但 for sure 我們可以 / 應該做的便是「唔好再等」。

當我們以為我們永遠都可以說「Well, 聽日先喇」的時候，老友，唔好再等! 有啲嘢應該做嘅便應該即時做; 有啲說話應該講嘅便應該今日就跟對方講。唔好再等 !

呢個咁簡單的思想，係人都知，但知道的又有幾多人會真正意會其重要性? 意會到的又有幾多人會 prioritise 去落實執行?  落實執行的又有幾多人會堅忍不拔?

所以我成日都認為，人無乜聰明或愚蠢之分，只有齋諗和行動之輩。So, which one are you...from now on?